लकडाउनको विकल्प नरहेको विज्ञहरूको सुझाव, प्रम सकारात्मक

२० साउन, काठमाडौं । विज्ञहरुले कोरोना संक्रमण दर बढ्दै गएको भन्दै लकडाउनको विकल्प नरहेको प्रधानमन्त्रीलाई सुझाव दिएका छन् ।

प्रधानमन्त्री निवास बालुवाटारमा भएको छलफलमा विज्ञहरुले कम्तीमा २ साता लकडाउन गरेर कोरोना नियन्त्रणमा प्रभावकारी भूमिका खेल्न सुझाव दिएका हुन् ।

यही अवस्थामा अघि बढ्दा कोरोना थप भयावह हुन सक्ने विज्ञहरुले चिन्ता व्यक्त गरेेेेका छन् । उहाँहरुले छिट्टै कम्तीमा पनि २ साता लकडाउन घोषणा गरेर त्यो बीचमा नियन्त्रणमा प्रभावकारी भूमिका खेल्न सरकारलाई सुझाव दिनुभयो’, बैठकमा आफ्नो धारणा राखेर बाहिरिएका एकजना विज्ञले वताएका छन् ।