पालिका टाईम्स १८ जेठ २०७८, मंगलबार प्रकाशित १८ जेठ, काठमाडौं । काठमाडौं उपत्यकाका ३ जिल्लाका प्रमुख जिल्ला अधिकारीहरुको बैठक आज बस्दैछ । काठमाडौं, ललितपुर र भक्तपुरका प्रमुख जिल्ला अधिकारीहरुको बैटक निषेधाज्ञाबारे छलफल गर्न बस्न लागेको हो ।
प्रमुख जिल्ला अधिकारीहरुको बैठक आज दिउँसो ३ बजे बस्ने काठमाडौं जिल्लाका प्रमुख जिल्ला अधिकारी कालिप्रसाद पराजुलीले जानकारी दिएका छन ।
काठमाडौं उपत्यकामा जेठ १४ गतेदेखि निषेधाज्ञालाई कडा पारिएको थियो । निषेधाज्ञालाई कडा पार्दै हाल किराना पसलसमेत बन्द गरिएको छ ।
२० गतेसम्मलाई निषेधाज्ञा यही रुपमा रहनेछ । २० गतेपछि निषेधाज्ञालाई कसरी अगाडी बढाउने भन्ने विषयमा उपत्यकाका प्रमुख जिल्ला अधिकारीहरुको आजको बैठकमा छलफल हुनेछ ।
पालिका टाइम्स | १८ जेठ २०७७, आइतबार 
