अष्ट्रेलिया विश्वकपमा छनोट

अन्तरास्ट्रिय खेलकुद समाचार

एजेन्सी । अष्ट्रेलिया कतारमा आयोजना हुने फिफा विश्वकप २०२२ फुटबलका लागि छनोट भएको छ ।

विश्वकप छनोट अन्तर्गत सोमबार राति इन्टरकन्टिनेन्टल छनोटको प्ले अफमा पेरुलाई पेनाल्टी सुटआउटमा पाखा लगाउँदै अष्ट्रेलियाले विश्वकपमा स्थान बनाएको हो ।

खेलको निर्धारित र अतिरिक्त समय गोलरहित बराबरी भएपछि खेलको निर्णय टाईब्रेकरबाट गरिएको हो । पेनाल्टीमा अष्ट्रेलिया ५–४ ले विजयी भयो । अष्ट्रेलिया विश्वकपमा छनोट हुने ३१ औं टिम हो । अष्ट्रेलिया पाँचौ पटक विश्वकपमा छनोट भएको हो ।

अष्ट्रेलिया विश्वकपको समूह डी मा रहेको छ । जसमा फ्रान्स, डेनमार्क र ट्युनिसिया रहेका छन् ।